WwW.RiOcOmP.Net - Kompüter və Əyləncə Dünyası

"Qarabağ"dan yeni rekord

riocomp — Mon, 12 Mar 2012 09:47:23 GMT

"Qarabağ"dan yeni rekord

Unibank Premyer Liqasının 23-cü turunda da qapısını toxunulmaz saxlayan "Qarabağ" mövsümün özünə aid olan rekordunu yeniləyib.

Qol.Az-ən məlumatına görə, Ağdam klubu ardıcıl 9-cu çempionat oyunundan da qapısından qol buraxmayıb.

"Xəzər Lənkəran"ı 1:0 hesabı ilə məğlub edən "Qarabağ”ın qapıçısı Boyan Pavloviç bununla da quru seriyasını 812 dəqiqəyə çatdırıb. O, sonuncu dəfə 2011-ci il noyabrın 26-da XIV turun "Neftçi”ylə görüşündə (1:2) qapısında qol görüb.

Beynəlxalq Futbol Tarixi və Statistikaları Federasiyası (İFFHS) tərəfindən tərtib olunan və dünyanın milli çempionatlardakı ən uzun quru seriyaları özündə əks etdirən siyahıya düşmək üçün lazım olan 660 dəqiqəlik normativi ödəyən serbiyalı legioner Azərbaycan çempionatları tarixinin 7-ci göstəricisinə imza atıb. O, 6 pillə irəliləyib. "Qarabağ” tarixinin 2-ci nəticəsinin müəllifi indi bu siyahıda daha da irəliləməyə çalışacaq.

Qeyd edək ki, Pavloviçin nailiyyətinin İFFHS tərəfindən rəsmən tanınması üçün seriyanın qırılması zəruridir. Yalnız onun dəqiq göstəricisi müəyyənləşdikdən sonra qurumun Azərbaycan nümayəndəsi tərəfindən federasiya məlumatlandırılacaq və həmin vaxtdan sonra açıqlanacaq siyahıda Pavloviçin də adı olacaq.

Azərbaycan çempionatının ən uzun quru seriyaları
1. Nizami Sadıqov ("Turan”) – 1106 dəqiqə
2. Xalidu Sissoko (Seneqal, "Bakı”) – 985
3. Xalidu Sissoko (Seneqal, "Bakı”) – 971
4. Camaləddin Əliyev ("Qarabağ”) – 958
5. Pavel Doroşev (Latviya, "Qəbələ”) – 952
6. Elxan Həsənov ("Neftçi”) – 943
7. Boyan Pavloviç (Serbiya, "Qarabağ”) - 812

8.Dmitri Kramarenko ("Karvan”) – 798
8. Dmitri Kramarenko ("Neftçi”) – 772
9. Rauf Mehdiyev ("Olimpik”) – 746
10. Elşən Poladov ("Bakı”) – 744
11. Nadir Şükürov ("Dinamo”) – 741
12. Aleksandr Martyoşkin (Belarus, "Xəzər Lənkəran”) – 735
13. Kamran Ağayev ("Xəzər Lənkəran”) – 720
14. Camaləddin Əliyev ("Qarabağ”) – 700
15. Rauf Mehdiyev ("Olimpik”) – 676

Emin Həsənli: “1993-cü il noyabrın 2-si Azərbaycan üçün tarixi dönüş nöqtəsidir”

riocomp — Tue, 01 Nov 2011 06:32:03 GMT

"O, bizim ən böyük qələbə bayramımız olacaq”

1993-cü il noyabrın 2-si Azərbaycan üçün tarixi dönüş nöqtəsidir. Bunu Lent.az-a açıqlamasında Tərxis Olunmuş Hərbçilərin Gəncləri Maarifləndirmə İctimai Birliyinin (TOHGMİB) sədri Emin Həsənli söyləyib.

Emin Həsənli deyib ki, 1993-cü il noyabrın 2-də Heydər Əliyevin xalqa, hərbçilərə müraciəti xalqı torpaqlarımızın qorunmasına səfərbər edib və qısa bir zamanda Azərbaycan ordusu Horadiz istiqamətində düşməni 42 kilometr geri oturdub. O vurğulayıb ki, Heydər Əliyev 1991-ci ildə hakimiyyətə qayıtsaydı, vəziyyət tamam fərqli olardı: "Heydər Əliyev ikinci dəfə hakimiyyətə qayıtdığı dönəmdə torpaqlarımız işğal olunurdu, iqtisadiyyat çökmüşdü, vətəndaş müharibəsi başlayırdı, xarici siyasətdə xeyli yanlışlıqlara yol verilmişdi. Azərbaycan gəncləri bütün cəbhə boyu torpaqların müdafiəsinə qalxmışdı, lakin vahid komandanlığa əsaslanan ordu yox idi, ayrı-ayrı siyasi birləşmələr siyasi partiyaların təsirində idi. Ordunun bəzi rəhbərləri qeyri-peşəkar idi, peşəkar zabitlər deyildilər. Hərb elminə uyğun ordu yox idi. Bizim xeyli vətəndaşlar şəhid, əlil oldu, müharibə veteranları oldular. Onların bizim torpaqların qorunmasında çox müstəsna xidmətləri var. Amma peşəkar, nizami, vahid komandanlığa əsaslanan ordu yaradılsaydı, bizim torpaqlarımızın böyük bir qismi işğal olunmazdı. Heydər Əliyev 1991-ci ildə hakimiyyətə qayıtsaydı, peşəkar zabitlərdən ibarət ordu yaradaraq Azərbaycan torpaqlarının bu qədər işğalına yol verməzdi. Eyni zamanda xarici siyasətdə o qədər yanlışlıqlara yol verilməzdi”.

Emin Həsənli bildirib ki, bütün cəbhə boyu böyük məğlubiyyətə düçar olan düşmən 1994-cü ilin may ayında atəşkəs müqaviləsini imzalayıb. Onun sözlərinə görə, atəşkəs bizim üçün də çox lazım idi: "Ordumuzun xeyli əsgəri şəhid olmuşdu, nizami ordumuz yox idi. Azərbaycan iqtisadiyyatı yox vəziyyətində idi, büdcəsi boş idi. Bu vəziyyətdə Azərbaycan dövləti müharibə apara bilməzdi. Daxildə də çox pis qarşıdurmalar vardı. Azərbaycana bir nəfəs dərmək lazım idi. Görkəmli siyasətçi, dünya siyasətini, regional siyasəti çox gözəl bilən Heydər Əliyev atəşkəsə nail oldu və vahid komandanlığa əsaslanan ordu yaradıldı. Ordu hərb elminin qanunlarına uyğun yaradılırdı. 1994-cü il mart ayının 4-də Brüsseldə Azərbaycan NATO-nun Sülh Naminə Tərəfdaşlıq Proqramına qoşuldu. Azərbaycan MDB dövlətləri içərisində ilk dövlətlərdən biri idi ki, bu Proqrama qoşulurdu. Azərbaycanda hərbi təhsil NATO standartlarına uyğunlaşdırılmağa başlandı”.

Azərbaycan Silahlı Qüvvələrinin inkişafından danışan TOHGMİB sədri qeyd edib ki, qardaş Türkiyə dövlətinin dəstəyi ilə 1997-ci ildə NATO standartlarına uyğun ali hərbi məktəblərdə hazırlığa başlanıb. 2001-ci ildə ali hərbi məktəblərin ilk buraxılışı olub. O zaman Türkiyə Silahlı Qüvvələrinin Baş Qərargah rəisi Hüseyn Qıvrıqoğlu da o mərasimdə iştirak edib, Azərbaycan səmasında da türk şahinləri çox gözəl nümunələr göstəriblər: "İndi o nümunələri Azərbaycan şahinləri göstərir. 1996-cı ilin iyun ayında Türkiyə ilə təhsil sahəsində əməkdaşlıq müqaviləsi imzalandı və bu əməkdaşlığa uyğun olaraq Azərbaycan gəncləri həm Türkiyə hərbi təhsil müəssisələrində oxuyurdu, həm də eyni zamanda türk zabitləri Azərbaycanın hərbi təhsil müəssisələrin NATO standartlarına uyğunlaşdırılmasına kömək edirdilər. 1997-ci ildə NATO standartlarına uyğun ilk sülhyaratma bölüyümüz yaradıldı. Sonra bu bölük hərbi tabor, hərbi hissə səviyyəsinə gəlib çıxdı. Kosovada, daha sonra Əfqanıstanda sülhyaratma prosesində iştirak etdi. NATO-nun tərkibində qardaş Türkiyə taborunun tərkibində əvvəlcə bir tağım, sonra bir bölük oldu. Daha sonra 150 nəfərlik kontingent İraqda antiterror koalisiyasında iştirak etdi. Azərbaycan beynəlxalq sülhün yaradılmasına hərtərəfli dəstək verdi və bir çox terrorçuların zərərsizləşdirilməsində iştirak etdi. Azərbaycan beynəlxalq terrorizmə qarşı mübarizədə öncüllərdən biri oldu və bu da təbii idi. Çünki Azərbaycan terrora məruz qalmışdı, erməni terrorizminin hər cür ağırlıqlarını öz üzərində hiss edirdi”.

Emin Həsənli xatırladıb ki, 1999-cu ildə Hərbi Akademiya, 2001-ci ildə Təlim-Tədris Mərkəzi, Ali Təyyarəçilik Məktəbi, Ali Dənizçilik Məktəbi yaradılıb. Naxçıvanski adına Hərbi Liseyin yubileyi keçirilib: "Heydər Əliyev tez-tez hərbi hissələrdə oldu, hərbçilərlə görüşdü. Prezident İlham Əliyev də hakimiyyətə gələndən sonra Fövqəladə Hallar Nazirliyini, Müdafiə Sənayesi Nazirliyini yaratdı və Heydər Əliyev kursunu davam etdirərək Silahlı Qüvvələrə dəstək oldu. Bu gün Azərbaycan Silahlı Qüvvələrinin hərbi büdcəsi bütövlükdə Ermənistanın dövlət büdcəsindən çoxdur. Dəfələrlə düşmən hücuma başlayıb, Azərbaycan ordusu bu hücumların qarşısını məharətlə alıb, düşməni itki verməyə məcbur edib. Bu gün sevindirici haldır ki, Azərbaycan özü öz ərazisini qoruyur. Azərbaycan dövlətinin ərazisində heç bir dövlətin ordusu yoxdur”.

TOHGMİB-nin sədri Azərbaycanda hərbi tibb sahəsinin də güclü inkişaf etdiyini nəzərə çatdırıb. Azərbaycanın müasir hospitalları var, zabitlərimiz Türkiyənin Gülhanə Hərbi Tibb Akademiyasında yük təhsil alıb, təcrübə keçiblər. Bu gün bütün hərbi hissələrimiz, tibb bölüklərimiz müasir avadanlıqlarla təmin olunub. O cümlədən hərbi kazarmalar yenidən qurulub, hər il təmir işləri aparılır. Bununla bağlı Müdafiə Nazirliyi mütəmadi məlumatlar verir: Azərbaycan Silahlı Qüvvələri dünyanın inkişaf etmiş ölkələrinin silahlı qüvvələri ilə əməkdaşlıq edir. Bu sırada Türkiyə, ABŞ, Avropa ölkələri, Çin, Pakistan, MDB ölkələri var. Azərbaycan hərbçiləri hər il NATO-nun yüzlərlə tədbirinə qoşulur, təlimlərində iştirak edirlər. Beynəlxalq təlimlərdə Azərbaycan hərbçiləri çox yüksək nailiyyətlər əldə edirlər.

Emin Həsənli deyib ki, keçən il Milli Qəhrəman Mübariz İbrahimovun göstərdiyi şücaət Azərbaycan gəncliyinin nə qədər vətənpərvər olduğunu ortaya qoydu. Bu, dünyaya bir daha nümayiş etdirib ki, Azərbaycanda elə bir gənclik formalaşıb ki, elə bir ordu var ki, torpaqlarımızın işğal altında qalması ilə heç vaxt barışmayacaq. Biz gec-tez torpaqlarımızı işğaldan azad edəcəyik. Onun sözlərinə görə, Azərbaycan zabitləri, əsgərləri mənəvi və taktiki döyüş hazırlığı baxımından hazırdır. Vahid komandanlığa əsaslanan ordumuz var və günü gündən də peşəkarlığını artırır. TOHGMİB sədri qeyd edib ki, ordu və ictimaiyyət əlaqələri də genişlənir. Tez-tez millət vəkilləri, jurnalistlər, baş redaktorlar, QHT nümayəndələri, Əsgər Anaları Şurası hərbi hissələrdə olur. Ordu Dostları Mətbuat Klubu, TOHGMİ u prosesdə aktiv iştirak edir: 2009-cu ilin oktyabrında yaradılan Silahlı Qüvvələrə İctimai Nəzarət Birliyi də yaradılıb. ATƏT-in Bakı ofisi ilə bu işi mütəmadi olaraq aparırıq. Silahlı Qüvvələrin rəhbərliyi də Silahlı Qüvvələrə ictimai nəzarətin güclənməsində maraqlıdır. Biz bu prosesi mətbuat və QHT-lər vasitəsi ilə həyata keçiririk. Bunun da çox uğurlu nəticələri var”.

Ordu ilə bağlı sevindirici işlərin çox olduğunu dilə gətirən Emin Həsənli bildirib ki, bütün bunların hamısı torpaqlarımızı işğaldan tezliklə azad edəcəyimizi göstərir: "Amma çox az sayda olan bəzi QHT-lər, bəzi KİV-lər orduya qarayaxma ilə məşğuldurlar, qərəzli, böhtan xarakterli məqalələrlə çıxış edirlər. Silahlı Qüvvələrin yüksək səviyyəli zabitlərini, rəhbərlərini gözdən salmaqla məşğuldurlar. Ermənistan mətbuatı da te-tez belə yazılara istinad edir və Azərbaycan ordusunun nüfuzuna xələl gətirməyə çalışırlar. Hamının övladı, yaxınları ordudadır və xalq kifayət qədər məlumatlıdır. Belə olan halda ordunu gözdən salmağa çalışan qüvvələrin olması təəssüf doğurur. Amma onlar öz niyyətlərinə çatmayacaqlar. Ordu nə iqtidarın, nə müxalifətin deyil, xalqındır, hamımızı qoruyur. Qrup, siyasi mənafeyindən asılı olmayaraq hər bir kəs ordunu qorumalı, sevməli və dəstək olmalıdır. Çalışmalıyıq ki, ordu peşəkar olsun, ordu-xalq həmrəyliyi daha da yüksəlsin. Jurnalistlərdə də vicdan senzurası olmalıdır. Tənqid inkişafa yol açır, amma heç kəs təhqirə yol verməməlidir”.

Emin Həsənli vurğulayıb ki, 1988-1989-cu illərdə bir çoxları Azərbaycanın müstəqil olacağına, müstəqilliyini qoruyub saxlayacağına inanmayıb: "Amma Heydər Əliyev deyirdi ki, Azərbaycanın müstəqilliyi əbədi, daimi, dönməzdir. Deyirdi ki, müstəqil Azərbaycanda hər peşə şərəflidir, ancaq vətəni qorumaq ən şərəfli peşədir. Biz də bu şərəfli peşənin daşıyıcılarını dəstəkləməliyik. Bir vaxtlar BTC-yə, Azərbaycanın müstəqilliyinə əfsanə kimi baxanlar bu gün bunların real olduğunu görürlər. Azərbaycan artıq BMT Təhlükəsizlik Şurasının üzvüdür. Bu, Azərbaycanın beynəlxalq aləmdə nə dərəcədə tanındığını göstərir. 155 dövlət Azərbaycana səs verib. Bunların arasında islam dövlətləri, Şərqi Avropa, Qərbi Avropa, Amerika, Afrika, MDB ölkələri var. Bu qədər ölkələrin etimadını qazanmaq, erməni lobbisinə bu qədər ağır zərbə vurmaq Azərbaycan dövlətinin nə qədər güclü olduğunu göstərir. Azərbaycan 3 il dalbadal "Eurovision” mahnı yarışmasında yüksək yer tutdu, dördüncü dəfə isə qalibi oldu. Bu, Azərbaycan mədəniyyətinin nə qədər güclü olduğundan, gənclərimizin nə qədər intellektə malik olduğunu göstərir. Azərbaycan son 10 ildə həm diplomatiya, həm mədəniyyət, həm iqtisadiyyat sahəsində necə inkişaf etdiyini ortaya qoyub. Biz gec-tez torpaqlarımızı da işğaldan azad edəcəyik. 10 il əvvəl kiməsə desəydik ki, Azərbaycan BMT Təhlükəsizlik Şurasının qeyri-daimi üzvü olacaq, gülməli yanaşardı. Desəydik ki, Azərbaycan "Eurovision” yarışmasında birinci yeri tutar, inanılmaz möcüzə kimi yanaşardılar. Mümkün olmayanları reallığa çevirdik. Azərbaycan dövləti uzun müddətli işləri qısa müddətə görüb. İnşallah, Azərbaycan gəncliyi torpaqlarımızı işğaldan azad edəcək. O, bizim ən böyük qələbə bayramımız olacaq”.

Qurban Qurbanov və artıq «avtoritetlər»

riocomp — Tue, 20 Sep 2011 16:49:09 GMT

Bəli, Qurban Qurbanovun bir məşqçi kimi Azərbaycan futboluna xidmətləri hələ o anlama gəlməməlidir ki, onun toxunulmazlıq hüququ var.

Bəli, onun da fərqindəyik ki, bu dünyada Qurban Qurbanov da daxil olmaqla heç bir məşqçi ideal deyil: onun fəaliyyətini azarkeşin də, medianın da tənqid etməsi normaldır.

Bir azarkeşin bir məşqçi, klub idarəçiləri barəsində istefa çağırışı etməsi də normaldır.

Amma bir azarkeşin 3 oyundakı uğursuz nəticəyə görə məşqçini istefaya səsləməsi çox anormaldır.

Mən Qurban Qurbanovun «Qarabağ»ın timsalında Azərbaycan futbolu üçün etdiklərini sadalamaq fikrindən tamamilə uzağam. Onsuz da hamı ən yaxın tariximizdə olanları çox yaxşı bilir. Onu da bilir və inanır ki, Allahın köməkliyi ilə Avropa yarışlarında qrup qapısını döyüb ora daxil olan ilk azərbaycanlı məşqçi də məhz Qurban Qurbanov olacaq.

Və Qurban Qurbanov ora indi çalışdırdığı və hələ çox illər, bəlkə də ömrünün sonuna qədər çalışdıracağı «Qarabağ» komandasıyla birgə daxil olacaq.

Əminəm ki, bu sözlərim istefa çağırışı edən və onların arxasında dayananların ürəyincə olmayacaq, onu da bilirəm ki, bəzi həmkarlarım da buna görə dodaqlarını büzəcəklər. Kimsə məni tərəf tutmaqda, əziz Qurban müəllim, sizin tərəfinizi və məşqçisi olduğunuz «Qarabağ»ın tərəfini tutmaqda təqsirləndirə bilər. Olsun! Amma türkiyəli qardaşlarımız demiş, bütün bunlar mənə vız gələr.

Mən «Qarabağ»ı sevməyin günah olduğunu düşünənlərin bu millətdən olduğuna şübhə edərəm! Orada kimin çalışmasından asılı olmayaraq.

***

Dünən Rəşad Sadıqovun müsahibəsindən xəbər tuturam ki, sizi istefaya səsləyənlərin sayı cəmisi 6-7 nəfər olub? Necə də bənzər hadisədir: təxminən iki il əvvəl, «Qarabağ» «qara zolağ»a düşəndə Quzanlı stadionunda da bu çağırışı edənlərin sayı elə bu qədər idi. Qışqıranlar eyni adamlardımı? Qəti şəkildə deyə bilmərəm. Amma çox böyük ehtimalla bu adamların da arxasında elə həmin o adamlar, sizin bildiyiniz o adamlar dayanır.

Hərçənd, indi söhbət təkcə gizli qüvvənin kimliyindən getmir, həm də ondan gedir ki, məsələn, cılız və zəif adamlar stadiona ən çoxu cəmi 6-7 nəfər yığır, qüdrətli adam isə ən azı 30-40 min!

Zəif adam Biləcəridən o tərəfə gedə bilmir.

Güclü isə Dortmunda qədər gedib çıxır.

Yəqin, nə demək istədiyimi başa düşdünüz.

Bu istefa çağırışlarından sonra, büruzə verməsiniz belə, azarkeşlərdən qəlbinizin qırıldığını bilirəm. Hər halda, sayı az olsa belə, müəyyən bir qrup sizi heç bir gərək olmadan istefaya çağırıb. Niyə? Guya nədi-nədi «Qarabağ» üç oyundu qələbə qazana bilmir. Deməli, dünya dağılıb, biabırçılıq baş verib?

Mən heç nə demirəm, siz də deməyin, qoy, dəyərli oxucular və azarkeşlər desin: məgər, biabırçılıq üç oyuna qələbə qazana bilməməkdir, yoxsa 4-5 oyuna bir xal belə qazanmayıb, öz qapından 30-a qədər qol buraxmaq və Azərbaycanın olmayan futbolunun başını yerə soxmaq?

Məgər, rüsvayçılıq futbolumuzdakı biabırçılıqlardan sonra mərd bir komanda yaratmaqdır, yoxsa namərdlik etməklə mərd adamın yerinə gəlməyə cəhd etmək?

«Qarabağ»ı bunlara etibar etmək olar?

***
100 illik tarixi olan Azərbaycan futbolu üçün əsl nəticə bilirsinizmi nə idi: sovetlər dönəmində qazanılan və hər dəfə də guya çox böyük bir hadisə olubmuş kimi az qala gözümüzə soxulan bürünc medalları nəhayət ki, tarixin bir küncünə atmaq, Moskvadan gətirilən kubokların əslində lazımsız bir turnirlərdə qazanıldığını bu millətə isbatlamaq...

Futbolumuzun artıq hörməti qalmayan bəzi «avtoritetləri», bu faktı qəbul edin ki, Qurban Qurbanov «Qarabağ»dakı 3 illik fəaliyyəti ilə sizlərin cəminizin futbolumuzdakı 100 illik fəaliyyətini kölgədə qoyub.

Bəli, nə zamansa sizdən çəkiniblər, bu yaxşıdır, amma pisi odur ki, sizi heç vaxt sevməyiblər.

Lap pisi isə odur ki, çağırışınıza gələnlərin sayı 6-7 nəfərdən o tərəfə keçməyib, bundan sonra da keçməyəcək.

Odur ki bəlkə, indi həqiqətən yenə də istefa barədə fikirləşəsiniz? Qurban Qurbanovun yox, özünüzün futboldan birdəfəlik istefası barədə.

Çünki daha futbol da, futbolçu da sizi qəbul eləmir.

Qəbul olunmayan adamlara isə həm də artıq adam deyirlər.

Salamat qalın!

Aydın BAĞIROV

"Qarabağ" "Qalatasaray" və "Latsio"nu da geridə qoydu

riocomp — Mon, 04 Jul 2011 07:06:20 GMT

Beynəlxalq Futbol Tarixi və Statistikaları Federasiyası (İFFHS) dünyanın ən güclü klublarının siyahısını açıqlayıb. Qol.Az-ın məlumatına görə, bu siyahıda Azərbaycanı yenə ədə Ağdamın "Qarabağ" klubu təmsil edir.

Qurban Qurbanovun komandası 94 xalla 168-ci yerə şərikdir. "Qarabağ" həmin pilləni "Brügge” (Belçika), "Nitsa” (Fransa) və "Zestafoni” (Gürcüstan) klubları ilə bölüşür.

"Qarabağ”ın Avroliqanın birinci təsnifat mərhələsində səfərdə Litvanın "Banqa” klubunu 4:0 hesabı ilə darmadağın etməsi komandanın 47 pillə irəliləyişinə səbəb olub.

Ötən ay 215-ci pillədə olan "Qarabağ" "Latsio", "Parma" (hər ikisi İtaliya), "Fulhem" (İngiltərə) və 204-cü olan "Qalatasaray" (Türkiyə) kimi klubları da geridə qoyub.

UEFA reytinqindəki yerindən asılı olaraq avrokuboklarda klubların başlayacaqları etaplar

riocomp — Fri, 10 Jun 2011 05:54:04 GMT

1-3 yerlər - 7 klub (4 -ü Çempionlar Liqasında: Onlardan 3 - qrup mərhələsi, 1 - Play-Off + 3 -ü Avropa Liqası - Play-Off mərhələsi).

4-5 yerlər - 6 klub (3 -ü Çempionlar Liqasında: Onlardan 2 - qrup mərhələsi, 1 - Play-Off + 3 -ü Avropa Liqası: 2 - Play-Off, 1 - üçüncü təsnifat mərhələsi).

6 yer - 6 klub (3 -ü Çempionlar Liqasında: Onlardan 2 - qrup mərhələsi, 1 - üçüncü təsnifat mərhələsi + 3 -ü Avropa Liqası: 2 - Play-Off, 1 - üçüncü təsnifat mərhələsi).

7-9 yerlər - 6 klub (2 -i Çempionlar Liqası: Onlardan 1 - qrup mərhələsi, 1 - üçüncü təsnifat mərhələsi + 4 -ü Avropa Liqası: Onlardan 2 - Play-Off, 1 - üçüncü təsnifat mərhələsi, 1 - ikinci təsnifat mərhələsi).

10-12 yerlər - 5 klub (2 -i Çempionlar Liqası: Onlardan 1 - qrup mərhələsi, 1 - üçüncü təsnifat mərhələsi + 3 -ü Avropa Liqası: Onlardan 1 - Play-Off, 1 - üçüncü təsnifat mərhələsi, 1 - ikinci təsnifat mərhələsi).

13-15 yerlər - 5 klub (2 -i Çempionlar Liqası: Onlardan 2 - üçüncü təsnifat mərhələsi + 3 -ü Avropa Liqası: Onlardan 1 - Play-Off, 1 - üçüncü təsnifat mərhələsi, 1 - ikinci təsnifat mərhələsi).

16-18 yerlər - 4 klub (1 -i Çempiuonlar Liqası - ikinci təsnifat mərhələsi + 3 -ü Avropa Liqası: Onlardan 2 - üçüncü təsnifat mərhələsi, 1 - ikinci təsnifat mərhələsi).

19-21 yerlər - 4 klub (1 -i Çempionlar Liqası - ikinci təsnifat mərhələsi + 3 -ü Avropa Liqası: Onlardan 1 - üçüncü təsnifat mərhələsi, 2 - ikinci təsnifat mərhələsi).

22-27 yerlər - 4 klub (1 -i Çempiolar Liqası - ikinci təsnifat mərhələsi + 3 -ü Avropa Liqası: Onlardan 2 - üçüncü təsnifat mərhələsi, 1 - ikinci təsnifat mərhələsi, 1 - birinci təsnifat mərhələsi).

28-34 yerlər - 4 klub (1 -i Çempionlar Liqası - ikinci təsnifat mərhələsi + 3 -ü Avropa Liqası: Onlardan 2 - ikinci təsnifat mərhələsi, 1 - birinci təsnifat mərhələsi).

35-38 yerlər - 4 klub (1 -i Çempionlar Liqası - ikinci təsnifat mərhələsi + 3 -ü Avropa Liqası: Onlardan 1 - ikinci təsnifat mərhələsi, 2 - birinci təsnifat mərhələsi).

39 yer - 1 klub (1 -i Çempionlar Liqası - ikinci təsnifat mərhələsi ).

40-47 yerlər - 4 klub (1 -i Çempionlar Liqası - ikinci təsnifat mərhələsi + 3 -ü Avropa Liqası: Onlardan 1 - ikinci təsnifat mərhələsi, 2 - birinci təsnifat mərhələsi).

48-51 yerlər - 4 klub (1 -i Çempionlar Liqası - birinci təsnifat mərhələsi + 3 -ü Avropa Liqası: Onlardan 1 - ikinci təsnifat mərhələsi, 2 - birinci təsnifat mərhələsi).

52-53 yerlər - 2 klub (1 -i Çempionlar Liqası - birinci təsnifat mərhələsi + 1 -i Avropa Liqası - birinci təsnifat mərhələsi).

Əmsallar cədvəli belə formalaşır. Avroturnirlər bitəndən sonra hər bir ölkə üçün "mövsüm əmsalları" hesablanır. Bütün klubların topladıqları bütün bu xallar həmin ölkənin həmin mövsüm üçün AƏ (Avro Əmsal) -nı təyin edir və onu klubların sayına bölür (əmsallar yuvarlaq olunmadan minliklərlə hesablanır).

Cari mövsümdə xallar aşağıdakı qayda ilə hesablanır:

* təsnifat mərhələlərində: qələbə - 1 xal, bərabərlik - 0.5 xal, məğlubiyyət - 0 xal;

* əsas mərhələlərdə: qələbə - 2 xal, bərabərlik - 1 xal, məğlubiyyət - 0 xal;

* Çempionlar Liqasının qrup mərhələsinə düşmək 4 bonus xalı ilə qiymətləndirilir (2008-ci ilədək - 3 xal);

* Çempionlar Liqasının 1/8 final mərhələsinə düşmək 5 bonus xalı ilə qiymətləndirilir (2008-ci ilədək - 1 xal);

* klubların Çempionlar Liqasının və Avropa Liqasının 1/8 final, 1/4 final, 1/2 final və Final mərhələrində olması onlara 1 bonus xalı qazandırır (finallarda qələbəyə görə hər iki turnirdə bonus nəzərə alınmır).

Mənbəə

Ən alicənab "Qarabağ", ən intizamsız "Bakı" oldu

riocomp — Mon, 06 Jun 2011 08:23:20 GMT

Ötən mövsümün intizam statistikasında maraqlı göstəricilər diqqəti çəkir Azərbaycan Premyer Liqasında ötən mövsümün yekunlarına əsasən ən intizamlı komanda Ağdamın "Qarabağ" klubudur. Premyerliqa.az xəbər verir ki, bu, PFL-in təqdim etdiyi intizam statistikasında öz əksini tapıb. 32 tur ərzində 32 dəfə sarı vərəqə ilə cəzalandırılan "Qarabağ" futbolçuları mövsümü qırmızı vərəqəsiz başa vurub. Ötən mövsümdə futbolçuları qırmızı vərəqə almayan daha bir klub isə "İnter"dir. 2010/2011-ci il mövsümünün ən intizamsız komandası isə "Bakı" klubudur. Paytaxt komandası cari mövsümdə keçirdiyi Premyer Liqa oyunlarında 67 sarı vərəqə alıb və 7 dəfə qırmızı vərəqə ilə cəzalanıb. Ötən mövsüm üçün Azərbaycan Premyer Liqasının ən intizamsız futbolçuları də məlumdur. Belə ki, "Gəncə" klubunun gürcüstanlı legioneri Zura Dzamsaşvili mövsüm ərzində 12 dəfə sarə vərəqə ilə cəzalandırılıb. Onun komanda yoldaşı Ramal Hüseynov və "Bakı"nın müdafiəçisi Əziz Quliyev ötən mövsümdə hərəyə iki dəfə qırmızı vərəqə alıblar.

Sıra №Klub         Sarı vərəqə   Qırmızı vərəqə
1      Qarabağ              32
2      Turan                  43            1
3      Simurq                48            2
4      İnter                   56
5     Neftçi                  57           1
6      AZAL                   54           2
7      Xəzər Lənkəran       59           2
8      Gəncə                   60           6
9      MOİK                   60           6
10    Muğan                  72           3
11    Qəbələ                   69           5
12    Bakı                     67           7

Qeyd: "İnter" klubunun futbolçusu Kaxaber Mjavanadzenin aldığı qırmızı vərəqə İntizam Komitəsi tərəfindən ləğv olunduğu üçün siyahıda nəzərə alınmayıb.

"Qarabağ" klubu "Qalatasaray" və "Bordo"nu da geridə qoydu

riocomp — Tue, 03 May 2011 06:00:39 GMT

"Qarabağ" irəliləməkdə davam edir. Azərbaycanımızın Avrokuboklarda yeganə uğurlu təmsilçisi və beynəlxalq aləmdə ölkəmizə təkbaşına reytinq qazandıran "Qarabağ"ımız daha da yuxarıya qalxıb. Dünyanın məşhur Beynəlxalq Futbol Tarixi və Statistikaları Federasiyası (İFFHS) yeni reytinq cədvəlini açıqlayıb. Son aylarda müntəzəm olaraq irəliləyən "Qarabağ"ımız daha 9 pillə irəliləyərək dünyanın ən güclü klubları sırasında 209-cu pilləyə qalxıb. "Qarabağ" 82 xalla bu pilləni Qətərin "Əl-Sədd", Meksikanın "San Luis" klublarıya bölüşüb. "Qarabağ"ımız reytinq siyahısında irəliləməklə Fransanın "Bordo", İngiltərənin "Everton", Türkiyənin "Qalatasaray" kimi dünyanın tanınmış komandaları geridə buraxıb.
Siyahıya ispan nəhəngləri "Barselona" və "Real" başçılıq edir. İlk 3-lüyü cari mövsüm olduqca uğurlu çıxış edən "Portu" tamamlayır.

“Windows 7” liderliyi ələ aldı

riocomp — Wed, 13 Apr 2011 04:33:48 GMT

ABŞ-da "Windows 7” ilk dəfə olaraq populyarlığa görə "Windows XP”ni geridə qoyub.

Lent.az-ın məlumatına görə, "StatCounter” analitik şirkəti "Windows 7” əməliyyat sisteminin "Windows XP” əməliyyat sistemini istifadəçi sayına görə ilk dəfə olaraq geridə qoyduğunu müəyyən edib.

Aprelin ilk 10 günü ərzində "Microsoft” korporasiyasının sonuncu əməliyyat sisteminin bazarda payı 32,2 faizə çatıb. "XP”nin analoji göstərici isə 30,7 faiz təşkil edib. Amerika istifadəçiləri arasında digər populyar əməliyyat sistemlərinə gəldikdə isə, üçüncü yerdə bazarda 19,5 faizlə "Windows Vista” durur. "Vista”dan sonra gələn "Mac OS”un bazardakı payı 14,8 faiz təşkil edir. "Linux” əməliyyat sistemi ABŞ-da 1 faizdən belə az kompüterlərdə istifadə olunur.

UEFA-ya görə ən zəifi "Neftçi"dir

riocomp — Thu, 07 Apr 2011 08:05:52 GMT

"Qarabağ" rəqiblərini bu dəfə də geridə qoydu

UEFA Avropa klublarının mart ayına olan reytinq cədvəlini açıqlayıb.

Bu reytinq cədvəlinə görə Azərbaycanın ən güclü klubunu UEFA səviyyəsində "Qarabağ"-dır. Ağdam təmsilçisinin ölkə çempionatında ardıcıl 9 qələbə qazanması onun digər klublarımıza nisbətən daha ön pillələrdə qərarlaşmasına şərait yaradıb.

Reytinq cədvəlinə görə, "Qarabağ" klubu 4.233 xalla 231-ci pillədə yer alıb ki, bununla da ən yaxın klubumuzu 71 pillə geridə qoyub. "Qarabağ"ın ən yaxın izləyiciləri isə paytaxt klublarıdır. Belə ki, Bakının eyniadlı klubu 2.733 xalla 302-ci, paytaxtın "İnter" klubu isə 2.483 xalla 311-ci pillədə qərarlaşıb.

Siyahıda diqqəti çəkən məqam isə ondadır ki, Premyer Liqanın hazırkı lideri "Neftçi" klubu digər klublarımızdan geridədir. Belə ki, "flaqman" 1.233 xalla 385-ci pillədədir ki, bu da klublarımız arasında ən pis nəticədir.

"Xəzər Lənkəran" klubu isə bu dəfəki reytinqdə Zaqatalanın "Simurq" klubu ilə eyni xala malikdi. Hər iki təmsilçimiz 1.483 xalla 365-ci pillədə yer alıb.

365. XL – 1,483
365. Simurq – 1,483
385. АZАL – 1,233
385. МКТ-АRAZ – 1,233
385. Neftçi – 1,233
385. Karvan - 1,233

Gücümüz yalnız Türkiyəyə çatır...

riocomp — Wed, 30 Mar 2011 04:56:44 GMT

Bu gün milli komandamız AVRO-2012-nin seçmə mərhələsi çərçivəsində dördüncü oyununu keçirib. Yığmamız səfərdə Belçika millisi ilə qarşılaşıb.
Belçikanın paytaxtı Brüsseldəki "Rua Boduen" stadionunda keçirilən qarşılaşmanın 12-ci dəqiqəsində Yan Vertonqen cərimə zərbəsindən qapımıza yol tapıb. Lakin belçikalıların üstünlüyü 4 dəqiqə çəkib və Ruslan Abışov künc zərbəsindən qaldırılan topu qapıya göndərib. 32-ci dəqiqədə Rail Məlikov yığmamımız yenidən məğlub duruma düşməsinə səbəb olub. Belə ki, cərimə meydançasında əllə oynayan futbolçunun hərəkəti penalti ilə nəticələnib və Timmi Simons dəqiq zərbə ilə meydan sahiblərinin ikinci qoluna imza atıb. İlk yarının son saniyələrində Naker Çadli üçüncü qolu qapımızdan keçirib. 74-cü dəqiqədə isə Jelle Vossen son nöqtəni qoyub - 4:1.
Beləliklə, millimiz AVRO-2012-nin seçmə mərhələsində keçirdiyi 4-cü oyunda 3-cü böyükhesablı məğlubiyyətinə üzülüb. Almaniyaya 1:6 hesabı ilə yenilən komandamız Avstriya ilə oyunda üç qola üzülmüşdü - 0:3. Millimiz yalnız Türkiyəni məğlub edə bilib - 1:0.

1	Almaniya	5	5	0	0	17	1	15
2	Belçika	6	3	1	2	14	9	10
3	Türkiyə	5	3	0	2	8	6	9
4	Avstriya	5	2	1	2	9	8	7
5	Azərbaycan	4	1	0	3	3	13	3
6	Qazaxstan	5	0	0	5	0	14	0