 Milli komandamızın üzvü Vaqif Cavadovun çıxış etdiyi "Tvente" növbəti yoxlama oyununu keçirib. Fanat.az xəbər verir ki, Hollndiya çempionunun bu dəfəki rəqibi "SC Enshede" klubu olub.
Enshede derbisində "Tvente" böyükhesablı qələbə qazanıb. Belə ki, Cavadovun komandasının 5 qoluna rəqib biri ilə cavab verə bilib - 5:1.
Matçda hesabı 4-cü dəqiqədə Pennanen açıb. 68-ci dəqiqədə Yanko, 76-cı dəqiqədə Ruiz fərqlənib. Bir dəqiqə sonra Kocoz fərqi azaltsa da, 81-ci dəqiqədə Ruiz yenidən rəqib qapısına yol tapıb. Bundan dörd dəqiqə sonra Vaqif matçda son nöqtəni qoyub.
"Tvente"nin baş məşqçisi Mişel Pryudom bu dəfə Vaqifi start heyətində yer verməyib. Həmyerlimiz qarşılaşmanın 59-cu dəqiqəsində Reymerinkin yerinə meydana çıxıb.
Qeyd edək ki, ötən şənbə günü "Hengelo" ilə keçirilən oyunda Vaqif meydana start heyətində çıxmış və iki qol vurmuşdu. Həmin oyunda "Tvente" 17:0 hesabı ilə qələbə qazanmışdı.
Enshede - Tvente 1:5
Qollar: Kocoz, 77 - Pennanen, 4. Yanko, 68. Ruiz, 76-pen; 81. Vaqif Cavadov, 85.
Tvente: Marsman (De Voqt, 46), Stokentree (Tiendalli, 46), Douqlas (Visqerof, 46), Bannink, Leuqers, Brama (Yanssen, 46), Pennanen, Berquis (Ruiz, 59), Kastrati (Bayrami, 59), De Yonq (Yanko, 59), Reymerink (Vaqif Cavadov, 59).
|
Cümə Axşamı, 28 November 2024, 16:40 
Main 
